新一季德乙周六凌晨開鑼，開咧戰有波琴主場迎戰哈化柏林。波琴上季未能立即殺番上德甲後，教練羅斯拿喺夏天進行大換血，打造全新鋒線挑戰升班，開咧第1擊肯定想省靚招牌，預料會同「有前冇後」嘅哈化柏林駁火，2.5球嘅入球大值得捧場。

（Now 639周六凌晨2時30分直播）文:工廠仔

哈化中後場主力被撬走
波琴教練羅斯拿踢法注重進攻，季前亦着力重整鋒線，包括引入多蒙特年輕翼鋒達卡斯、丹麥翼鋒拉斯慕臣以及進攻中場泰斯，成條進攻創造線改頭換面，為首席射手菲臘賀夫曼提供彈藥，演出令人期待。波琴季前熱身相當積極，而且約戰對手都有一定分量，試過打和阿積士、贏安特衞普同史雲斯等等，今仗主場出擊必定全力打響頭炮。

上季排第7位嘅哈化柏林陣容唔差，不過季前失去唔少主力，門將安斯轉投飛燕諾、英格蘭防中艾治安被利華古遜挖走，連中場主力杜迪斯克都去埋中超，防守方面難免受到影響。不過哈化教練列迪爾堅持進攻踢法，季前踢6場熱身賽，有5場總入球開3球或以上，今場作客會照同波琴鬥攻，開入球大機會高唱入雲。
 
#百家贴士 #足球 #体育